मी म्हणालो तिला,
बघ किती सुंदर फुललाय चाफा,
ती मला म्हणते,
ती सुरी घ्या अन चार कांदे कापा.
मी म्हणालो तिला,
बघ किती छान सुटलाय वारा
ती मला म्हणते,
त्या कढईत फिरवा जरा झारा.
मी म्हणालो तिला,
तुझ्या गंधाने होतोय मी धुंद,
ती मला म्हणते,
तो गॅस करा जरा मंद.
मी म्हणालो तिला,
तूच आहेस माझ्या जीवनातला ठेवा,
ती मला म्हणते,
कढईवर जरा झाकण ठेवा.
मी चिडून म्हणालो,
बस्स तुम्ही रांधा, वाढा, उष्टी काढा,
ती मला म्हणते,
तुम्ही जरा जाऊन पडा.
गालावरून फिरले ओले केस,
बाहेर कोसळल्या पावसाच्या धारा,
जवळ घेताच ती म्हणाली,
आधी खाऊन घ्या बदामाचा शिरा .........
